Færslur: 2015 Apríl

30.04.2015 09:29

Ótitlað


Jæja nú er komið að því.... nú þarf að taka fram föðurlandið, ullasokkana og regngallann því að á morgun eigum við afmæli ! 
Hefðum samkvæmt þá er ætlunin að hjóla Árborgarhringinn góða og hlýjum okkur svo við heitann kaffibolla að rúntinum loknum. Mæting við félagsheimilið kl 20:00 og brottför frá Rauðavatni kl 19:15

28.04.2015 14:46

Opið hús


Opið hús í kvöld 28/4

 

 

Húsið opnar að vanda klukkan 20:00

Sjáumst hress

Stjórnin


25.04.2015 17:37

Fundargerð Aðalfundar 2015

Aðalfundur Postula 25/4/15

1.Mál á dagskrá Kosinn fundarstjóri og fundarritari.

Guðmundur Jóns fundarstjóri og Steinþór ritari

2.Skýrsla formans og gjaldkera

Formaður flutti skýrslu sína sem og gjaldkerinn.

3.Umræður um skýrslu formanns og gjaldkera

Börkur gerði fyrirspurn um keyrslur á atburði sem haldnir eru af öðrum og formaður gerði grein fyrir að fyrirhugað væri að hafa skipulagðar ferðir á slíka viðburði.

Reikningar samþykktir einróma

4.Lagabreytingar.

Baldur Róbertsson lagði til við fundinn að lagabreytingum yrði frestað.

Þórarinn mælti fyrir tillögum sínum.

Fundarstjóri las upp tillögur

Kosið um tillögu Baldurs og ákveðið að fresta afgreiðslu lagabreytinga og var það samþykkt með 10 atkvæðum á móti 4.

5.Ákveðið félagsgjald næsta árs.

Ákveðið að halda félagsgjaldinu óbreyttu í 3000 kr

6.Ákveðið Inntökugjald fyrir nýja félagsmenn

Ákveðið að halda því óbreyttu í 6000 kr

7. Kosning stjórnar

A: Formaður

Kristján Þorsteinsson endurkjörinn formaður

B: Gjaldkeri

Ólafur Björnsson endurkjörinn gjaldkeri

Meðstjórnendur

Stjórnin skoraði á Þórarinn að gefa kost á sér í stjórn og varð hann við því.

Þórarinn Garðarsson kosinn meðstjórnandi

Guðný Einarsdóttir gaf kost á sér í stjórn og var kosin meðstjórnandi

Í stjórn sitja áfram

Steinþór J Einarsson

Jóhann Þorvaldson

Dagbjartur Jónsson

 

8. Kosinn skoðunarmaður og 1 til vara

Sömu skoðunarmenn endurkjörnir

9. Önnur mál

Rætt um umræður á facebook síðu klúbbsins

Eggert hóf máls á húsnæðis málinu og veltur upp spurningu um samráð við Bifreiðaklúbb Suðurlands. Í framhaldi af þessari fyrirspurn stakk ritari upp á að kosin yrði ný hús nefnd og voru þeir Eggert og Ægir kosnir á staðnum.

Kosin ný Hús nefnd og Eggert og Ægir kosnir í nýja hús nefnd.

Gjaldkeri sagði frá að hann hefði gefið klúbbunum  síma . Og talaði um að reynt verði að efla sms sendingar .

Þórarinn spurði hvers vegna  Postularnir séu samtök en ekki klúbbur

Baldur svaraði að það hafi verið gert til að auðvelda að stofna klúbba eða deildir innan samtakana í upphafi.

Börkur gerði fyrirspurn um vefsíðuna og ritarinn gerði grein fyrir stöðu mála.

Guðný gerði fyrirspurn um sumarferð Postula, Ólafur gerði grein fyrir ákvörðun stjórnar um að hugmyndin sé að fara á hjóladaga á Akureyri. Unnið er að athuga með gistingu fyrir hópinn en ekki hafa fyrirspurnum þess efnis verið svarað.

 

Fleira var ekki rætt á fundinum og fundarstjóri sagði fundinum slitið.

 

 


21.04.2015 21:27

Sælir félagar

Nú líður að Aðalfundi Postula og ég skora á félagsmenn og konur að fjölmenna .

Marg er á dagskrá fundarins sem hefur með framtíð Postula að gera, auk þess vantar félagsmenn til starfa í stjórn og nefndir félagsins.

Það er nú þannig að hver félagskapur þarfnast þess að félagsmenn séu virkir til þess að dafna.

Í sumar verður mikið á döfinni og ber þar hæst Afmæli Postula , eins þarf vinnufúsar hendur til að ditta að félagsaðstöðuni okkar , Til að vel takist til þurfa allir að leggjast á eitt.

Ég hlakka til sumarsins og allra ferðana sem við eigum eftir að fara.

Kær kveðja

Kristján Þorsteinsson

Formaður

09.04.2015 22:19

Aðalfundur 2015

Aðalfundur Bifhjólasamtaka Suðurlands Postula


Laugardaginn 25.04.2015 kl 13:00 í félagsheimilinu okkkar að Hrísholti 9


Dagskrá fundarins skal vera sem hér segir:


1. Kosin fundarstjóri og fundarritari

2. Skýrsla stjórnar: Skýrsla formanns,  gjaldkeri leggur fram endurskoðaða          reikninga.

3.  Umræður um skýrslu, staðfesting á nýjum félögum og úrsögnum félagsmanna, afgreiðsla reikninga.

4. Lagabreytingar samkvæmt 9. gr. laga samtakanna.

5.  Ákveðið félagsgjald næsta árs.

6.  Ákveðið inntökugjald fyrir nýja félagsmenn.

7. Kosning stjórnar:

    a) Formaður.

    b) Gjaldkeri.

    c)  5 meðstjórnendur.

8.  Kosin 1 skoðunarmaður og 1 til vara.

9.  Önnur mál. 


Tillögur að lagabeytingum má finna á heimasíðu Postula www.postular.123.is undir flipanum kynningarefni.

07.04.2015 15:24

Opið hús


Opið hús í kvöld 7/4 kl 20:00

Heitt á könnunni og góða skapið með í för :)



Sjáumst hress

Stjórnin

06.04.2015 21:54

Fundargerð stjórnar 6.apríl 2015

Stjórnarfundur Postula 6.Apríl

 

Mættir á fundinn

Kristján Þorsteinsson

Ólafur Björnsson

Steinþór J Einarsson

Jóhann Þorvaldsson

 

1.Mál á dagskrá

Rætt um dagsetningu fyrir Aðalfund Postula 2015. Ákveðið var að boða til fundarins laugardaginn 25. apríl nk. Nánar boðað og auglýst síðar.

2.Mál á dagskrá

Rætt um breytinga tillögur að lögum sem stjórn fékk sendar frá Þórarni #140 og eru stjórnarmenn sáttir við tillögurnar og hefur stjórn hug á að nota tillögurnar með lítillegum breytingum. Breytingar þessar verða kynntar með fundarboði fyrir aðalfundinn 25. apríl nk.

 

3.Mál á dagskrá

Rætt um sumardagskránna . Dagskráin er í vinnslu og verður auglýst fljótlega.

 

4.Mál á dagskrá

Rætt um afmælisgjafir Postula. Hér í húsi hjá okkur eru nokkrir vasar sem ekki hefur gengið að koma út. Ákveðið hefur verið af stjórn að reyna að koma vösunum til réttra aðila sem fyrst.

 

Fleira var ekki rætt að sinni og fundi slitið

 

 

 

 

 

 

  • 1
Flettingar í dag: 1
Gestir í dag: 1
Flettingar í gær: 220
Gestir í gær: 99
Samtals flettingar: 1332203
Samtals gestir: 200621
Tölur uppfærðar: 19.12.2018 13:09:11