Lög félagsins
Lög Bifhjólasamtaka Suðurlands , Postula
1.gr Nafn Nafn samtakanna er Postular, Bifhjólasamtök Suðurlands 2.gr. Merki
Merki og nafn samtakanna er hvítt á svörtum grunni áletrað nafni samtakanna og með mynd sem er bæði táknræn fyrir nafnið og starfsemina. Taumerki skal vera með númeri félagsmanns og bera á öxl. 3.gr. Heimili
Heimili samtakanna og varnarþing skal vera á Suðurlandi. 4.gr. Tilgangur Tilgangur samtakanna er að koma á sem víðtækustu samstarfi bifhjólafólks á suðurlandi. Vera talsmenn félagsmanna á opinberum vettvangi. Stuðla að bættri umferðarmenningu með góðu fordæmi. Hjóla saman , skemmta sér og öðrum. 5.gr. Inntaka Allt áhugafólk um bifhjól getur fengið inngöngu í samtökin ef skilyrði fyrir inntöku eru uppfyllt. Inntökuskilyrði í samtökin eru að 1. umsækjandi sé orðin fullra sautján ára og hafi áhuga á bifhjólum. 2. Nýir félagar eru aðeins teknir inn einu sinni á ári á aðalfundi. 3. Stjórn samtakanna tekur endanlega ákvörðun um hvort umsækjandi teljist hæfur til að vera Postuli og bera merki samtakanna. 4.Félagar skulu vera skuldlausir við samtökin til að teljast fullgildir meðlimir með atkvæðisrétt. 6.gr. Brottvísanir Hægt er að vísa einstaklingi úr samtökunum hafi hann sýnt og sannað að hann sé ekki fullfær um að bera merki samtakanna. Til þess þurfa fimm fullgildir meðlimir að leggja fram sína skriflegu, rökstuddu kæruna hver til stjórnar. Stjórn hefur úrslitavald varðandi meðferð brottvísana. 7.gr. Gjöld Rekstur samtakanna skal fjármagnaður með félagsgjöldum, útgáfustarfsemi og þ.h. Aðalfundur samtakanna ákveður félagsgjöld fyrir ár hvert. Félagsgjöld skulu staðgreidd. 8.gr. Sjóður Tekjur renna í sjóð samtakanna og skal honum varið í framkvæmdir, rekstur,skemmtanir, góðgerðarmál og fl. samkvæmt ákvörðunum á hverjum tíma. Enginn félagi samtakanna hefur tilkall til hluta af sjóðnum þótt hann hverfi úr samtökunum eða þeim sé slitið. 9.gr. Um aðalfund Haldin skal aðalfundur á haustin. Skal þar taka fyrir venjuleg aðalfundarstörf samkvæmt lögum samtakanna. Stjórn boðar til aðalfundar með a.m.k. tuttugu daga fyrirvara. Aðalfundur er því aðeins löglegur sé löglega til hans boðað. 10.gr. Aðalfundur Rétt til setu á aðalfundi hafa: Fullgildir félagar. Atkvæðisrétt á aðalfundi hafa einungis mættir fullgildir félagar. Á aðalfundi skulu tekin fyrir þessi mál: 1. Kosning fundarstjóra og fundarritara 2. Stjórn gefur skýrslu um starfsemi liðins árs 3. Stjórn leggur fram endurskoðaða reikninga liðins árs 4. Lagabreytingar samkvæmt 11.gr. laga samtakanna. 5. Kosning stjórnar 5. Önnur mál . 11.gr. Lagabreytingar Lagabreytingar má aðeins leggja fram til samþykktar á aðalfundi . Ná þær aðeins fram að ganga ef 3/4 hlutar mættra fullgildra félaga séu þeim samþykkir. Séu þær felldar og bornar upp samhjóða eða efnisbreytingarlaust á næsta aðalfundi þar á eftir ná þær aðeins samþykki með 2/3 hluta atkvæða mættra fullgildra félaga. Tillögur til lagabreytinga skal senda stjórn eigi síðar en þrjátíu dögum fyrir aðalfund. 12.gr. Stjórn Í stjórn samtakanna skulu sitja sjö einstaklingar. 13.gr. Aukaaðalfundur Stjórn kveður til aukaaðalfundar þegar þess er þörf eða a.m.k. 1/5 hluti fullgildra félaga samtakana óski þess enda geri þeir áður grein fyrir fundarefni. Til aukaaðalfundar skal boða skriflega með a.m.k. tveggja vikna fyrirvara. 14.gr. Slit Samtökunum verður aðeins slitið á aðalfundi og til þess þarf samþykki 3/4 hluta mætra fullgildra félaga. Fundur sá er samtökunum slítur ráðstafar eigum þess. 15.gr. Félag Bifhjólasamtök Suðurlands er sjálfstætt starfandi áhugamannafélag og sameinast þar með ekki öðrum bifhjólasamtökum
5. Þeir sem ekki hafa greitt félagsgjald í tvö ár skulu afmáðir úr almennri félagsskrá og af öðrum listum um meðlimi samtakanna.
Til að öðlast fullgilda félagsaðild á ný þarf að greiða tvöfalt árgjald.
Stjórn skiptir með sér verkum. Skipa skal í embætti formanns, varaformanns, gjaldkera og ritara á fyrsta stjórnarfundi . Formaður kveður til stjórnarfunda ef þörf krefur eða ef tveir stjórnarmeðlimir óska þess enda hafi þeir áður gert grein fyrir fundarefni. Tryggt skal að stjórn geti komið saman með stuttum fyrirvara. Stjórn hefur á hendi sér allar framkvæmdir milli aðalfunda, og kemur fram fyrir hönd samtakanna.
